Sir Alex Ferguson៖ ជារឿងឆ្កួតបំផុត បើប្រធានក្លឹបដេញ Jose Mourinho ចេញ
08-December-2015 | ដោយ មួយឡា
អតីតគ្រូបង្វឹកក្រុម Manchester United លោក Sir Alex Ferguson បាននិយាយថា ប្រធានក្លឹប Chelsea លោក Roman Abramovich នឹងឆ្កួតហើយបើដេញគ្រូបង្វឹកលោក Jose Mourinho ចេញនោះ។
ក្រុមការពារជើងឯកមួយនេះធ្លាក់ដល់លេខ១៤ក្នុងតារាង Premier League ក្រោយចាញ់ប្រកួតទី៨របស់ខ្លួនក្នុង១៥ប្រកួតកន្លងមក។
ប្រភពបានអោយដឹងថាលោក Mourinho អាចនឹងបណ្តេញចេញ ប្រសិនបើក្រុមតោខៀវមិនឈ្នះសំរាប់២ប្រកួតបន្ទាប់ទេ។
លោក Ferguson បាននិយាយថា៖ គ្មានចំនុចណាត្រូវដេញគ្រូបង្វឹកល្អបំផុតម្នាក់ចេញឡើយ។ គាត់បានដេញគ្រូបង្វឹកល្អជាច្រើនហើយក្នុងពេល១០ឆ្នាំមកនេះ ខ្ញុំប្រាកដបានថាគាត់នឹងរៀនចេញពីវា។
គាត់ត្រូវតែជឿជាក់និងមានទំនុកចិត្តថា Jose អាចបង្វែរស្ថានការណ៍បាន។ នៅក្នុងគ្រប់ប្រទេសគាត់ដឹកនាំគឺបានឈ្នះពានធំៗ។ វានឹងឆ្កួតហើយបើដេញគាត់ចេញនោះ។ វានឹងជាការគ្រប់គ្រងដ៏អាក្រក់មួយ។
Mourinho បានត្រលប់មក Chelsea វិញកាលពីរដូវក្តៅ២០១៣ និងឈ្នះពានលីកនិង Capital One Cup នៅរដូវកាលទី២របស់គាត់ បន្ថែមពីលើពានលីក២លើក FA Cup ១លើក និង League Cups ២លើកទៀតកំឡុងពេលគាត់ដឹកនាំពី២០០៤-២០០៧។
ប្រភព៖ BBC Sports , sportkh
ចំនួនអ្នកទស្សនា
- ថ្ងៃនេះ5321
- ម្សិលមិញ12561
- សប្តាហ៍នេះ33271
- ខែនេះ55151
- ឆ្នាំនេះ55151
- សរុប20497607